Vídeo das letras galegas e vacacións!

Bo día! Hoxe sería o último día de cole. E para celebralo aquí déixovos o vídeo da recompilación dos bailes que me mandáchedes polo día das Letras Galegas. 

Espero que o disfrutedes!

Despois de este ano escolar tan raro, quero desexarvos, máis que nunca, que o pasedes xenial nas vosas vacacións que ben o merecedes! Estades feitos uns campións e campionas!

De todas formas se precisades algo, eu estarei dispoñible a través do correo. 

Felices Vacacións!!!!

Vémonos o ano que ven!

Traballo 8 de xuño infantil

Bo día meu querido alumnado! Xa case non queda nada para vacacións! 

Para celebralo, esta semana imos preparar un festival de baile nas nosas casas.

Para iso, seleccionei unha serie de cancións do afamado videoxogo Just Dance que espero que vos gusten.

E xa sabedes, se enredades a alguén da vosa familia ou amig@s para bailar ídelo pasar aínda mellor! En compañía disfrútase o doble. 

Estades list@s?  Imos!

Por certo rapazada, se queredes máis, podedes ir as outras entradas dos demais cursos e así continuar a festa! 

Non vos esquezades de contarme cal foi a que máis vos gustou 😀

Espero que teñades unha mooooi boa semanaaa!!

Unha aperta mooooi grandeee!

Traballo educación infantil semana 1 de xuño

Bo día querido alumnado, xa queda pouquiño de curso, así que ánimo co que queda!

Esta semana practicaremos cos sons dos instrumentos. Aquí tedes un recurso para coñecer novos instrumentos e repasar outros, ca súa imaxe. Clicando en cada un escóitase o seu son e indica o seu nome. 

http://servicios.educarm.es/cnice/primartis/b/10/a_bb10_01vf.html

Aquí tedes unha canción para lembrar as familias de instrumentos, así que veña, a bailarrr e a cantarrrr!!

 Espero que vos divirtades moito! Pasade moi boa semana!

Traballo educación infantil semana do 11 de maio: Letras Galegas

 

Ola parruliños!

O domingo 17 é o día das letras galegas, e dende a área de educación musical ímolo celebrar o noso xeito... bailando! 

Así que esta semana propóñovos a seguinte tarefa. Como a ides preparar xenial e precisa certo tempo, vouvos dar dúas semanas para que me mandedes o resultado.

Pero mestra, que temos que facer? 

Pois moi fácil, deberedes  aprender o seguinte paso de baile de música tradicional:

 

Pero para bailar precisamos música, non si? Así que imos alá. 

Imos traballar cunha canción tradicional galega chamada "O verdegaio".

A versión que empregaremos é o do IES Salvaterra de Miño.

Este é o vídeo:

Pois agora que xa temos o baile e a música so falta prepararvos a vós. Pedídelle a vosa familia que vos vista con roupa de época, co traxe galego se tedes ou calquera cousa xeitosa que teñades por aí e poñervos ben guap@s!  (se non tedes  non pasa nada, só é para darlle un aire diferente)

Déixovos o meu traxe para que o vexades a ver se vos gusta. 

 

 E por último, o que tedes que facer é gravarvos  bailando un anaco da canción realizando o paso de baile. Tamén podedes utilizar outros que xa coñezades ou inventar algún, lembrade ter os brazos en alto.  Así, tamén vos poden acompañar bailando a vosa familia ou veciños, o caso é pasalo ben e cantos máis mellor!

Déixovos outros vídeos interesantes sobre puntos de baile galego por se queredes botarlle unha ollada. 

 

 Agora xa tedes todo o material necesario así que mans a obra! non, non, digo... pés ó baile! 

 

Mandádeme o resultado ou calquera dúbida ó correo ad.libitum.leirado@gmail.com 

Farase un vídeo montaxe cos vídeos do alumnado e a canción.

Que teñades boa semana!

Déixovos outro agasallo por ser unha semana tan especial, xa me contaredes que vos parece... 

Foi na Raigame 2019, unha romaría etnográfica que se fai tódolos 17 de maio para exaltar a tradición galega en Vilanova dos Infantes.

Traballo Educación infantil semana do 4 de maio

Bos días parruliños! Hoxe imos ser agricultores, imos repasar os nomes das verduras e hortalizas ca canción "A horta de Balbina"  de María Fumaça

 E por último, anímosvos a que me enviedes debuxos vosos sendo agricultores, gandeiros ou  mesmo debuxos dalgunha verdura ou hortaliza que apareza na cancióń.

Que teñades moi boa semena!

traballo semana do 27 de abril Educación infantil

Bo día a tod@s!  Espero que o paseo de onte vos sentara femonenal, estades portándovos xenial! Eu estou desexando porder vervos a tod@s e darvos moitos abrazos.



Esta semana imos comezar bailando un pouco co grupo Vira Vai. Ca canción "Move o cu"

Hai un novo ritmo que invadiu este lugar

tode o mundo está a cantar, todo o mundo está a bailar

Move o cu, move o cu,

xa verás que é moi sinxelo

move o cu.

Sete da mañán espertoume miña nai

pon o  almorzo, a roupiña e a mochila, 

hai que arrincar,

Move o cu, move o cu,

xa verás que é moi sinxelo

move o cu.

Báilanno en Galicia, tamén en Portugal

Bailáronno na China, na Arxentina e no Uruguai

Move o cu, move o cu,

xa verás que é moi sinxelo

move o cu.

move, move o cu, move, move o cu 

move, move o cu, move, move o cu 

xa verás que é moi sinxelo

move o cu.

Báilanno en Galicia, tamén en Portugal

Bailáronno na China, na arxentina e no Uruguai

Move o cu, move o cu,

xa verás que é moi sinxelo

move o cu.

move, move o cu, move, move o cu 

move, move o cu, move, move o cu 

xa verás que é moi sinxelo

move o cu...

Despois, podedes aproveitar o instrumento que creáchedes a semana pasada e acompañar a canción e así formaredes tamén parte dos músicos!

 

Así que xa sabedes, preparádevos ben e a mover o cu!

Podedes mandarme vídeos bailando se vos apetece o novo correo do blog de música do cole: ad.libitum.leirado@gmail.com

E subscribirvos ás novas publicacións xa que tamén comezarei a subir as vosas creacións nesta zona do blog. 

Unha aperta moi forte!